Mënyra më e mirë për të “paketuar” garderobën e stinës së verës.
Të “paketosh” rrobat e verës, do të thotë të lësh më shumë hapësirë për pulovrat e xhaketat që vishen në vjeshtë/dimër. Por, të gjitha ne duam që kur t’i rihapim sirtarët t’i gjejmë rrobat dhe fustanet verore në formë për t’i veshur sërish. Ja cfarë duhet të bëni, që rrobat të qëndrojnë në kushtë të mira për muajr në vijim…
Përpara se të lironi hapësirën në dollapin tuaj, duke larguar rrobat e verës, grupojini rrobat sipas ngjyrave dhe vendosini në një process larje të plotë në lavatrice. Për rrobat e lehta verore ku mbizotërojnë ngjyrat e celëta dhe të bardhat rekomandojmë detergentët e lëngshëm Deka Color dhe Deka Ëhite. Sigurohuni që pas larjes të gjitha rrobat janë tharë mirë përpara se sa t’i paketoni. Nëse rrobat nuk janë komplet të pastërta përpara se sa t’i mbyllni nëpër kuti apo valixhe, rritet rreziku i molëve apo fluturave që do t’i gerryejnë dhe do t’i dëmtojnë rrobat tuaja.
Sado tunduese të duket, rrobat që do të paketohen e do të mbyllen për një kohë të gjatë, nuk duhet të hekurosen. Kjo mund të dëmtojë fibrat tekstile, dhe rrobat mund të grisen gjatë rrudhosjes.
Në vend që të zgjidhni kuti prej kartoni ose letre, zgjidhja më e mirë për të paketuar rrobat e verës që do të rrijnë gjatë pa u përdorur janë kutitë plastike. Plastika është rezistente ndaj ujit dhe mbron nga depërtimi i insekteve. Kutitë prej kartoni apo prej druri përmbajnë lëndë kimike që mund të transferohen në rroba dhe t’i dëmtojnë ato. Gjithashtu, ngjitësi që lidh pjesët e kartonit është një material, i cili tërheq shumë insekte. Sigurohuni që kutitë plastike të kenë vrima të vogla për qarkullimin e ajrit, sepse disa materiale kanë nevojë gjatë gjithë kohës për ajrosje.
Vendosini kutitë në një vend të freskët, pa lagështirë, që të mos ketë kontakt me tokën, e as me dritën e diellit.
Shmangni kontaktin e drejtpërdrejtë të rrobave me materiale të drunjta, sepse druri përmban acide, të cilat pas një periudhe të gjatë kohe i dëmtojnë fibrat tekstile.
Disa rroba që mbahen për raste të vecanta, duhet të vendosen në mbështjellëse specifike prej letre, që nuk ka përmbajtje acidesh, në mënyrë që të parandalohen rrudhat dhe dëmtimi i rrobave.
Për rroba që mbeten të mbyllura për një kohë të gjatë, si p.sh. fustanet e nusërisë, opsioni më i mirë janë disa kuti/mbështjellëse specifike që nuk përmbajnë elemente acide. Ju këshillojmë që këto lloj veshjesh t’i nxirrni jashtë të paktën një herë në vit, për ajrosje, e më pas t’i palosni sipas prerjes e t’i paketoni sërish. Në këtë mënyrë, parandaloni dëmtime serioze që mund t’i ndodhin rrobave të palosura për një kohë të gjatë.
